මෙය ගැන යමක් කිය යුතු දැයි වරෙක මට සිතුනි. මා මෙය සටහන් කරන විටත් ගිරවකු මෙන් රූපවාහිනියෙන් කියවාගෙන යන කතිකයකු ධණාත්මක චින්තනය පට්ට ගසයි. වැඩසටහන මෙහෙයවන වැඩසටහන ඉදිරිපත් කරන්නා අසරණ ව බල සිටියි. ඔහු දැක මට ද ඔහු ගැන දුක සිතුණි. ඔහුට එහි කිරිමට කිසිම කාර්යක් නැත. ධණාත්මක චින්තනයෙන් ඔද වැඩි ගියා වූ කතිකය තොර තෝන්චියක් නැතිව කියවයි.
විටෙක ඔහුට මෙලොව දෙවියන් මැවු දෙයකි. සියල්ල මැවිය හැක්කේ දෙවියන්ටය. එසේම දෙවියන් ඊලගට මැවීම මිනිසාට බාර කලේ යැයි පවසයි. එම වැඩසටහන නරඹන ඕනෑම ඇයෙකුටත් තමාගේ සැප සමපත් මවා ගැනීමට හැකි බව ඔහු පවසයි. මෙ ලොවෙ ඇති දුක එතරම් ගනන් ගත යුතු දෙයක් ලෙස නොදකින මෙම ධනාත්මක මහතා භෞතික දේ අසීමිත ලෙස අගයන්න මිනිසුන්ට පුන පුනා පවසයි.
නමුත් කාරණය වන්නේ විටෙක ඔහුගේ පීලී මාරු වීමය. ඔහුගේ කතාවේ අවසන් භාගය බුදුන් දෙසූ ධර්ම කරුණු වලින් පිරී ඇත. "මණෝ පුබ්බන් ... යන ගාථා පට්ට ගැසූ ඔහු ඔහු ගේ කථාව සනථ කිරීමට බුද්ධ දේශණාවන් යොදා ගන්නේ ඊට පෙර මෙලොව දේව නිර්මණයක් යයි පැවසූ බව අමතක කරමිනි. මොහුගේ ක්‍රියකලාපය මතක් කර දෙන්නේ පරණ කීමකි. කන්න ඕන කල කඹරගොයත් තලගොයා කර ගැනීම මේ හා සමානය. මෙම වැඩසටහනේ සියල්ලම හර සුන් යයි නොකියමි. නමුත් තම මඩිය තර කර ගැනීමට පදනමක් නැති විකාර දොඩවා අසරන අහිංසක මිනිසුන් තව තවත් අගාදයට ඇද දමන මෙවන් බේගල් වැඩසටන් ගැන වග කිව යුත්තේ ඒවා ප්‍රචාරය කරණා මාධ‍ය්ය ආයතනයන් ය.
මෙම වැඩසටහන ප්‍රචාරය වූයේ ශ්‍රී ලාංකේ ය අභිමානය මේ ආකාරයෙන් කවදත් රකිනා ස්වර්ණවාහිනියේ ය. ලාංනකාවේ රූපවහිනි වැඩසටහන් වල නිෂ්පාදන ගුණාත්මක භාවය(Production Quality) ගැන වෙනමම කථිකා කිරීම සුදුසු යැයි සිතන මම එම දැනුම ඔවුනට ලැබෙන තෙක් ඔවුනගේ වැඩසටහන් වල ඇති හරයාත්මක වටිනාකම(Content Quality) ගැනවත් සැලකිලිමත් වී අනුග්‍රහකයකු මුදල් දුන් පමනින් ඕන කුණු ගොඩක් ප්‍රචාරය කිරීමේ සිල්ලර කඩයක් බවට තම මාධයේ ආයතන පත් කර නොගන්නා ලෙස ඔවුන්ගෙන් ඉල්ලා සිටිමි. තවම හරිහැටි අත්දැකීම් නොමැති වුවත් මාධය් කඩ වල සිල්ලර කිරන වෙලන්දන් බවට පත් නොවන්නට මුදිත වැනි අහිංසක මාධ‍ය්වේදීන් ද ක්‍රියා කරන්නේ නම් එය රටට යහපතකි.
