Listen to soft music while you read!

Wednesday, June 6, 2012

නවක වදය දුටුවාද?

මැට්‍රික්ස් එක කියන්නෙ එක ක්‍රමයක් නියෝ, මේ ක්‍රමය තමයි අපේ සතුරා. නමුත් ක්‍රමය ඇතුලේ අපි සිටින විට අපිට මොනවද පෙනෙන්නේ? වෛද්‍යවරු, ගුරුවරු, අචාර්‍ය් මහාචාර්‍යවරු, නීතීඥයෝ, වඩුවො, නිළධාරින් ඔය හැමෝම...
අපි බේරගන්න හදන මිනිසුන්ගේම සිතිවිලි තමයි මේ ක්‍රමය තුලදි අපි දකින්නේ.
නමුත් අපි මොවුන්ව ගලවා ගන්න තුරු මොවුනුත් මේ ක්‍රමයේම කොටසක් වෙලා අපිට හතුරු කම් කරනව.
ඔබ තේරුම් ගත යුතු වන්නේ මෙ මිනිසුන් බොහෝ දෙනෙක් මේ ක්‍රමයෙන් ගැලවෙන්න අකමැති ගර්හිත මිනිසුන් බවයි.

ඉතිං ඔවුන් අපේක්ෂා රහිතව මේ ක්‍රමය මත යැපෙනවා, ඒ වගේම මෙම ක්‍රමය රැක ගන්න සටන් වදිනව.

මෝෆියස් - ද මැට්‍රික්ස් චිත්‍රපටයෙන්

මේ මහා ක්‍රමය තුල අපි විසින්ම හදා ගත්තු තවත් කුඩා දැති රෝදයක් තමයි මේ නවක වදය. ඒක ඇතුලෙ ඉන්න කුඩා කොල්ලෝ කුරුට්ටො සිතන්නේ එලියේ තියෙන ක්‍රමය වැරදි නිසා අපි ඒක වෙනස් කරන්න ඕනා කියල. එහෙම කියන වුන් ඇතුලෙ කරන්නේත් එලියෙ වෙන දේවල් කුඩා පරිමානයෙන් කරන එකයි.

නවක වදය බොහෝ උසස් අධ්‍යාපනික ආයතන වල සිදු කරන්නේ ඉතා සංවිධානාත්මක ය. නමුත් එය සංවිධානය කර ඇත්තේ හුදෙක් නවකයන්ගේ පෞර්ශය සංවර්ධනය කිරීමට නොව යම් යම් අනාගත දේශපාලන කටයුතු සදහා කොන්දක් නැති රූකඩ බිහිකිරීමටය.

එය ඉතා ක්‍රමානුකූලයි. නවක වදය හොදින් නිරීක්ෂණය කරන විට අපට දැකිය හැක්කේ ඉතා සියුම් ආකාරයට දිව යන මොළ සේදීමේ ව්‍යාපාරයකි. එය කාලාන්තරයක් තිස්සේ හොදින් පෝෂනය වී ඇත. විටෙක එය කෙතරම් සියුම් ද යත් එය මෙහෙයවන ශිෂ්‍ය නායකයින් පවා ඒ පිලිබද අවිඤ්ඤානිකය.
බොහෝ විට නවකයන් මේ වදයට යොමු කරන්නේ දෙවෙනි වසරේ සිසුන් ය. ඔවුන්ට බොහෝ විට ශිෂ්‍ය සංගම් වල නිල තනතුරු හිමි නැතත් ඔවුන් ක්‍රියාකරන්නේ සම්පූර්ණයෙන්ම සංගම් වල අනුදැනුම පරිදිය. දෙවෙනි වසර සිසුන් පෙලෙන්නේ ගියවර තම්න් අත්දකින ලද දේ නොඅඩුව නව වසරේ සිසුන්ට ලබා දීමේ නොනිමි ආශාවෙනි. නමුත් මේ සියල්ලටම පූර්ණ ආශිර්වාදය සංගමයෙන් ලැබෙතත් එය නවක සිසුන් හට බොහෝ විට නිරාවරනය නොවේ. නවක වදය ක්‍රමක් ක්‍රම්යෙන් උත්සන්න වන විට නවක සිසුන්ට විවිධ පීඩන එල්ල වේ. ඔවුන් මානසිකව බොහෝ පහල අඩියකට වැටේ. මෙන්න මේ අවස්තාවේ නවක වදයේ සැබෑ ඉලක්ක වෙත ශිෂ්‍ය සංගම් යොමු වේ. ඉතා දුර බැහැරින් පැමිනි අහිංසක සිසුන් මානසිකව ඉතා පහල අඩියකට වැටී සිටින විට සංගම් නියෝජිතයන් පැමිනෙන්නේ දෙවිවරුන් මෙනි. ඔවුන් ගේ ගැටලු වලට සංගමය හොදින් කන් දෙයි. ඔවුන්ට උපකාර කරයි. නමුත් මේ නවක සිසුන් නොදන්න කාරනය නම් මේ සංගම් නියෝජිතයන් විසදන්නේ ඔවුන් විසින්ම කෘතිමව ඇති කල ගැටලුම බවය. මෙහිදී ආයතන වල දුර්වල පාලන රටාව නිසා ඇති වූ ගැටලුත් නැතිවාම නොවෙයි. සංගම් නියෝජිතයන් ඒ ගැටලුත් තමන්ගේ වාසියට හරවා ගැනීමට දක්ෂය. ඔවුන් මෙතරම් තීකෂන වන්නේ ඔවුන් ට ආයතනෙයන් පිට තම මවු සංගම් වලින් ලැබෙනා උපදෙස් නිසාය.

අවසානයේ නවක සිසුවා සිය උසස් අධ්‍යාපන ජීවිතය තුල සංගමය මත යැපෙන රූකඩයක් බවට පත් කර ගැනීම මේ නවක වදයෙහි අවසානයයි. මෙසේ විවෘත මනසක් නැති රූකඩ රටේ උසස් අධ්‍යාපන පද්ධතියෙන් බිහි වීම රටේ අවසානයයි.


මැතකදී ෆෙස්බුක් පිටුවක පල වූ අදාල වීඩියෝව පහතින් නරඹන්න.
නවක වදය දුටුවාද?

No comments:

Post a Comment